福州熱天，天氣就伓講道理。下晝卜出門，悗覷蜀覷外斗，日頭盡像會熁裏來。遘了一層樓，開鎖匙，掏出車——仱死了——天含不蜀時逿雨，悗逿悗大。卜直接行，手䘼馬上濫去，驚潨蜀身，轉厝掏雨衣頌。天懸頂都是雲，覷儥著日頭，但是故是野熱。討着雨衣，蜀頌，汗就洩出來，嚽也無辦法。上車卜騎，水滴遘手懸頂，都𣍐仈是汗啊固是雨。無偌𣆯，雨煞去了，天故熱去，㑚是講無敢褪，就這樣款行了。遘尾衣裳故是濫去了。

17年8月13號寫，18年12月13號改了仂囝